Cantic Di Sirminita

Liole-le dit sîrmîniță
Bate vimtu la purtiță
Anghil bun  lai anghil domn
Intră-n casă şi-adu somn!

Nani  nu-ni te-aspare  nani
Că va-ți da dada curbane
Bair di flurii di guşe
Şi-un ghiurdan di lîndăruşe

Şi-ună pade
Di livade
Să-ni te-agioț cu dada-mpade

Să-ni ț-adună
Nuna-lună
Şi-nunul-mare
Soare
Steale ună cîte ună
Să-ni ț-adar ciupare

S-hină maia
S-bată gaia
S-hina paplu
S-bată-araplu
Şi-ună price
Licurice
Cari doarme tu lilice

Si-ni te-acață
Somnu-n brață
Tra s-ț-alasă
Vis pri față
S-ni-acreşti mare
Puiliu di vreare
Livindeață!