Casa Mia

Ciao, comme staje, casa mia?
Nun t'arriccuorde? Song'io
Chi te stracciava 'e parete
Chi a dint' 'o suonno cantava
Tu, viecchie piano scurdato
Nisciuno cchiù t'ha sunato
E 'ncopp' 'e taste 'o passato
Te puorte cu te

Ciao, comme staje, casa mia?
Song' crisciuto pur'io
Chi se senteva Pinocchio
Quanno diceva 'e bucie
Tu preta 'e sole appicciato
Quanta colore m'è dato
Dint' 'e pigiame 'a na vita
Ca 'e visto 'e passà

Casa mia, cu te ritorno criaturo
Senza luce me facive paura
E tremmanno io cercavo int'o scuro
'Na carezza profumata 'e mammà
Casa mia, tu me ricuorde 'n'ammore
Quella lì che non sapeva baciare
E chiagneva e le tremmavano 'e mmane
Quando io volevo fare l'amore

Ciao, comme staje, casa mia?
Nun te ricuorde? Song'io
Chi te scassava 'e perziane
Chi 'ncopp' 'o lietto zumpav
Tu, stanza 'e lietto 'e duje spuse
Ca s'hanno avute e io so' nato
Dint' 'a nu strillo 'e 'na notte
Ca 'ntiso 'e luccà

Casa mia, cu te ritorno criaturo
Senza luce me facive paura
E tremmanno io cercavo int'o scuro
'Na carezza profumata 'e mammà
Casa mia, tu me ricuorde 'n'ammore
Quella lì che non sapeva baciare
E chiagneva e le tremmavano 'e mmane
Quando io volevo fare l'amore