Premikyan

ഓടേണ്ട ഓടേണ്ട ഓടിത്തളരേണ്ട
ഓമനപ്പൂമുഖം വാടിടേണ്ട
ഓമനപ്പൂമുഖം വാടാതെ സൂക്ഷിച്ചാൽ
ഓമനച്ചുണ്ടത്തൊരുമ്മ നൽകാം
ടാറിട്ട റോഡാണ് റോഡിൻ്റെരികാണ്
വീടിന്നടയാളം ശീമക്കൊന്ന
പച്ചരിച്ചോറുണ്ട് പച്ച മീൻ ചാറുണ്ട്
ഉച്ചയ്ക്ക് ഉണ്ണാനായ് വന്നോളൂട്ടോ

പുഞ്ചവരമ്പത്തു പാമ്പിൻ്റെ പൊത്തുണ്ട്
സൂക്ഷിച്ചു വന്നോളു പോന്നു ചേട്ടാ
ഒരു കുപ്പി മണ്ണെണ്ണ കത്തിത്തീരും വരെ
പണ്ടാരത്തള്ളയ്ക്കുറക്കമില്ല
ടാറിട്ട റോഡാണ് റോഡിൻ്റെരികാണ്
വീടിന്നടയാളം ശീമക്കൊന്ന
ആയിരം കൊമ്പുള്ള ചെമ്പകച്ചോട്ടിലി
ഒറ്റയ്ക്കിരുന്നു ഞാൻ ഓർത്തു പാടും

ഓടേണ്ട ഓടേണ്ട ഓടിത്തളരേണ്ട
ഓമനപ്പൂമുഖം വാടിടേണ്ട
ഓമനപ്പൂമുഖം വാടാതെ സൂക്ഷിച്ചാൽ
ഓമനച്ചുണ്ടത്തൊരുമ്മ നൽകാം

ചെമ്പകച്ചോട്ടിലിരുന്നെന്തിനോർക്കുന്നു
വീട്ടിലേക്കുള്ള വഴിമറന്നോ
വാടിയ പൂ ചൂട്യാലും ചൂട്യ പൂ ചൂട്യാലും
ചേട്ടനെ ഞാനെന്നും കാത്തിരിക്കും
ആരൊക്കെ എതിർത്താലും എന്തു പറഞ്ഞാലും
ചേട്ടനില്ലാത്തൊരു ലോകമില്ലാ

എന്നും ഉറക്കത്തിൽ ചേട്ടനെ കണ്ടു ഞാൻ
ഞെട്ടിയുണർന്നു കരച്ചിലല്ലേ
ഉരലു വിഴുങ്ങുമ്പോൾ വിരലു മറയുന്നു
പലതും പറഞ്ഞു നീ കേട്ടിട്ടില്ലേ
ചാലക്കുടിപ്പുഴ നീന്തിക്കടന്നാലും
അന്തിയ്ക്ക് മുൻപേ ഞാനെത്താം പൊന്നേ

മേലൂരു കേറ്റം ഞാൻ മുട്ടു കുത്തി കേറ്യാലും
നേരമിരുട്ട്യാലും എത്താം പൊന്നേ
കാണാത്തതല്ലല്ലോ ആക്രാന്തം വേണ്ടെന്നു
ആയിരം വട്ടം പറഞ്ഞില്ലേ ഞാൻ
ഓടേണ്ട ഓടേണ്ട ഓടിത്തളരേണ്ട
ഓമനപ്പൂമുഖം വാടിടേണ്ട
ഓമനപ്പൂമുഖം വാടാതെ സൂക്ഷിച്ചാൽ
ഓമനച്ചുണ്ടത്തൊരുമ്മ നൽകാം