Bom Alma

Si rato na bissia gato
Loksi i motivo di ronco
N’ ka esta nés gadjofadia
Sê tchiu leba ku tissi
Ami nha tchepem idi aba largo

N’ carga baca N’nhinhi
Utro pega rabo ina toroça
kuma baca idi nós – toroça
Tio Cumbito kuma
Tulo ku tuleça ica djunto
Ena fia

Bom alma
Bom alguim
Pobreça dan volta
Ma riqueça intchim alma
Pabias dan volta
Ma sé noda ka tindjin

Óh nha udjo
Pabia di ké
Kubu na djubi sim panga
Pa kussas kuna queman corçon

Pabia di ké

Iago parado
Iago sim força
Di tanto pera
Gosso n’ ta parci só
Iago manso di lagua
Ku kunsi só
Roda di si bida
Na Guiné- Bissau

Ami suma ninguim
Na boca di mundo
Na mon di kubiças di homis
Ma sabura tem mê?
Si kada kuim na dubria na si lado
Na Guiné-Bissau

Én...ku amigo
Óh sim amigo
Nim ki bim sedo na frontera
PAI n na difindil

Matcho !
Kuma kubo nocenta sim
N sinta ma n’ ka está
Triste pabia n na pensa

Si na pensa
Ika cabeça kuka sussega
Ala nô cassa pega fugo

Óh luta
Kantos e kantos
Kassabis ku disgustos
Kubu dan dja
Nés rosto di koitadeça
Idi udjo sim larma

Udjo ku odja, ika kumé
Fonte ku lagua, ika regua
Ku nha boca di pidi, sim toma
Ku nha manera di dá
Sim pidi nada