Текст песни

Atrofga siringni sochaverma ko'p,
Har qadam topilar makkora inson.
Chin do'stlar ichida soxtalari ko'p,
Dunyoda birgina Allohga ishon!

Nagahon kelganda qaro kunlaring,
Ko'z yumib qocharlar ishonganlaring,
Dushmandan farqi yo'q ba'zi do'stlaring,
Dunyoda birgina Allohga ishon.

Yo'llarda qoqilsang omading ketsa,
Yiqitib dushmaning murodga yetsa,
Qayg'urma hikmatdir nelarki etsa,
Dunyoda birgina Allohga ishon.

Mish-mishlar tarqatar g'iybatchi satang,
O'zganing ishi yo'q ahvol bo'lsa tang,
Shunday bo'l...qilsinlar ketganlar attang,
Dunyoda birgina Allohga ishon.

Sevgidan so'z ochsa bevafo sanam,
Ogoh bo'l yoniga tashlama qadam,
Shaytonga dars berar ayyora odam,
Dunyoda birgina Allohga ishon.

Umidjon do'stlardan kuydi necha bor,
Choh qazsa kimlardir,tortdilar kim dor,
Dunyo qaytguvchidir axir Alloh bor,
Dunyoda birgina Allohga ishon.