Amorosen Disputa

Maitea mesedez, parti gaitezen,
Jendea hasi, da gaizki esaten.
Zure kausagatik naute iraintzen,
Eta bide batez barre egiten.

Ai ene maitea, nago galdua!
Zuregatik nago asaldatua.
Zu gabe nengoke hain penatua.
Horren laster itzi nahi nuzua?

Pitxer ibilia erraz da hausten;
Zuk ni lotsa handiz nauzu betetzen.
Joan zaitez nigandik, dizut eskatzen;
Inork ez dit niri larrua hartzen.

Jainkoaren beldur zara jarria?
Hala despeditzen nauzu maitia?
Utzi baino lehen neure etxia,
Egin behar duzu ene nahia.

Orain nahi nauzu heme bortxatu?
Gaurkoz naikoa da, itzi nazazu.
Beste aldi batez joango natzaizu;
Orduan nahia egingo duzu.

Antigualetik dator esana,
Inork uzten badu berea dena
Nahi duenean ez dadukala.
Hitzetatik goazen eginetara!