Ca Lé Doux, Donne À Moin

Moin nana in souvenir lé très fort
Tou'ssa lé loin mais mi rappel encor'
Po nous maman tous les soirs té racont'
Z'histoire ti jean grand diab'

Nous l'avait point santa barbara
Et nous té gaingn' vive sans ça
Même si in jour sir deux
Té manqu' à nous
Les dé'bout' et l'milié

Nous té pas riche mais avec l'amitié
Lo kér maman la toujours débordé
Oui mi rappel tout l'temps
Elle l'était content
Quand moin té dit maman

Maman ça lé doux donne à moin
Ça lé doux donne à moin
Ça lé doux donne à moin
In p'tit baiser jolie
Déssi la joue' mi veut gouté

Eh pis si papa lé jaloux
Si papa lé jaloux
Donne à li in bisous
Quand n'a l'amitié
Quand nana l'amour
C'est comm'si té la fête tous les jours

Na des certains
Y margongn' tout l'temps
Fait cet' ou vé zot lé jamais content
Fini pi louk' en coin
Déssi cet' nana chez zot voisin

Dit à moin a'cause domoun' lé jaloux
Y rale lo compte pou rien di tout
Po koué nou essay' pas viv' héré
Ec cet' nous néna

Moin lé pas riche mais l'amour mi connais
Ec magalie mon tit' fanm' bien aimée
Toujours toujours mi dégage
Mi vé rent' la case et mi vé dis à li

Chérie ça lé doux donne à moin
Ça lé doux donne à moin
Ça lé doux donne à moin
In p'tit baiser jolie
Déssi ton lév' mi veux gouté

Après si ti vé mon l'aimée
Si ti vé mon l'aimée
Oui moin va mène à toué
Mét' ta jolie robe ton jolie soulier
Oui moin va mène à toué danser

Chérie ça lé doux donne à moin
Ça lé doux donne à moin
Ça lé doux donne à moin
In p'tit baiser jolie
Déssi ton lév' mi veux gouté

Après si ti vé mon l'aimée
Si ti vé mon l'aimée
Oui moin va mène à toué
Mét' ta jolie robe ton jolie soulier
Oui moin va mène à toué danser