Mon Ami À Moin

Dand toute camarade moin néna a ter la
C'est li même que mi préfère
Li c'est d'ailleurs le seul lé pas mentèr
Li néna l'amour dans son ker
Y fait plaisir retrouve a li viv' ek li
Toute sak li néna li veut partage ek ou
Ou lé son ti frère son camarade li aime a ou
Et kan li souri on dirait soleil midi
Et kan son zié y brille y veut dire li lé content
Bon dié y marche li y connaît a li

Li mette pas la main dans mon tête po vole a moin
Li mette pas la main dans mon tête po blessé a moin
Li mette pas la main dans mon kér po perde a moin
Li mette pas la main dans mon kèr po fait plér a moin

Dépiq moin lé a ter là
Moin la vi lé mol viv tout sel
Bon dié la fait trouve a moin in l'arc en ciel
Y réchauffe a moin y console a moin
Y defende a moin désespérer trop pléré
Dand toute ti fille néna
A li même mi donne ti chanson la
Quand mon ker lé plein
Quand l'amour y vé débordé
Li tout seul li tout seul mi veut donné
Mi voudrait toul temps li sourit, mon ami a moin

Qui mette pas la main dans mon tête po vole a moin
Qui mette pas la main dans mon tête po blessé a moin
Qui mette pas la main dans mon kér po perde a moin
Qui mette pas la main dans mon kèr po fait plér a moin

Oté bon dié comment moin lé heureux
Depuis que ou la garde a moins
Moin té y marche moin tout seul déssi la terre
Comme in zenfant perdi in zoizo na pi lo nid
Ou la donne a moin in ami, in ami éternel

Oui mette pas la main dans mon tête po vole a moin
Oui mette pas la main dans mon tête po blessé a moin
Oui mette pas la main dans mon kér po perde a moin
Oui mette pas la main dans mon kèr po fait plér a moin