Ousa Nousava (Maloya)

Combien créole y plèr lo zié fermé
Mi comprend pas quand do moun' y dit que nous lé francais
Moin na in famille en France y artourn' bientôt
Parce que do moun' la france y appelle a zot sale négro

Domin quand coq s'ra fini chanté
Si ou vé not' dé ou nous va cause in pé
De tout' façon sat' mi dis y serv'ra pas à rien
Ou va dit a moin sé la vie ou va dit a moin c'est le destin

Quand moin l'était p'ti mon papa té tape a moin
Estèr quand moin lé grand li cause bien 'ec moin
Mais li dit a moin comm' ça oui oté mon grand dada
Si pli tard ou vé manzé y faudra qu'ou sa travailler

Y mèt' a ou su terre jusqu'a 18 ans
Y essaye fait out bonèr d'après zot sentiment
Mais li dit a ou dan out vie que c'est li le patron
Si li la dit oui y faut pas que ou dit non

La mer le ciel soleil tout ça lé bien zoli
Mais créoles i y'aime aussi quand son p'ti cafrine lé dans son lit
Ça lé momentané mais y résofe son kèr
Quand son parole lé bloqué li offre in bouquet flèr
(pou ti cafrine la)

Po ti cafrine la li va dessot' la mer
Po ti cafrine la li va largu' in prière
Li lé fatigué embrassé en cachett' derrièr' la z'té
Oh zordi li sort a z'nou et li d'mand son liberté
(liberté)

Domin ou va mont' dan les hauts
Domin nous va rod' la forêt
Mais robinson crusoé toussala la fini écrit
Allons rod' ou sa y lé nout' ti paradis
Domin nous va mont' dan les hauts
Et domin nous va rod' la forêt
Mais robinson crusoé toussala la fini écrit
Allons rod' ou sa y lé nout' ti paradis

Avant que z'homm' politiqu' y déclanss' la guerre
Avant qu'in boug' bon ou mauvais y fait tremb' la terre
Allons mèt' la main ensemb' nout' tout' allons amisé
Not' tout' y ressemb la pas besoin critiquer

Mais dessi la terre n'a in gatèr y appell' président
Gouvernement na poin l'arzen mais li la po voyaz tout' l'temps
In zour dans son dépression po li fait fann' son colère
Boug'la va pèz si in bouton là-bas y déclenche in guerre Nicléair

Domin ou va mont' dans les hauts
(ti pas ti pas n'arrivé)
Domin nous va rod' la forêt
Mais si ou boir' pi lo rhum mais si ou sa pu la boutique
Alllons fim' in nafèr ban'na y appelle la calit'
Domin ou va mont' dan les hauts
(les hauts les hauts)
Domin nous va rod' la forêt
(domin nous va mont' dans les hauts)
Mais si ou boir' pi lo rhum mais si ou sa pu la boutique
Alllons fim' in nafèr ban'na y appelle la calit'

Demoun' dans les bas y dit ue zot y manz pi patate
Laisse la moucat' la pou band' do moun y habit' mafate
Laisse a zot kozé in zour kan manzé n'aura point
Quand zot bav' va commence coulé
Do moun dans lé bas va manz zot voisin

Lo blanc y tap' lo noir y dit qu' c'est le destin
Marsien y débarke dannd' fé noir zot y dit que c'est le destin
In zour quand n'aura pi manzé appelle a li destiné
Sak' la pas planté li va fait pitié

Domin ou va mont' dan les hauts
Domin nous va rod' la forêt
Moin la pas conni' l'esclavage commandér dand' temps madame débassin
Mais mi vive si in bout' la terre in volcan dans l'océan indien

Ecout' dand' coquillaz' ou va entend' lo bruit la mer
Apprend' a èt' saze si ou vé allé en l'air
Ou pé touzour bat' in carré dans l'espoir d'in sanzemen d'air
Ou pé aussi maziné aprés ou ard'send' dessi la terre

Avant la case mémèr quand nous té fini manzé
Té akout' zistoir grand-père toussala pou bien dizéré
Grand matin café péi avec in diner sofé
La mon zourné té rempli moin n'avait la force pou moin aimé

Domin ou va mont' dans les hauts
Domin nous va rod la forêt
(Domin ou va mont' dans les hauts)
Moin la trouv' in rève dand' frontièr l'infini
N'a l'amour dessi nout' lèv' oté prend avant n'a pi
Mon kèr comm' in flèr son l'odèr maloya
La terre c'est l'enfer bon dié seigneur ousanousava