Wala

Lumalalim na naman ang gabi
Hudyat nito'y pamamalagi sa gunita ng pagsisisi
'Di ko maintindihan ang pighati
Siguro nga'y hindi lubos na kilala aking sarili

Ikaw ba'y may alam sa 'king dinaramdam
O tulad nilang walang pakialam?

Oh buwan, ikaw nga ba'y tunay na kaibigan? Oh
Lulan mo lang sa 'king mundo ay kalungkutan, oh
Dapat ka nga bang pasalamatan
Kung kasiyaha'y sa tuwing ika'y lilisan? Gayunpaman ay

Kay tagal naghahanap sa salarin
Ni hindi sumagi sa isipang tumingin sa salamin
Wala namang magagawa pa kung 'di tanggapin
At unti-unting pilitin ang sarili ay mahalin

Ikaw lang ang may alam sa 'king dinaramdam
Oh, huwag na huwag kang biglang mang-iiwan

Oh buwan, ikaw nga ba'y tunay na kaibigan? Oh
Lulan mo lang sa 'king mundo ay kalungkutan, oh
Dapat ka nga bang pasalamatan
Kung kasiyaha'y sa tuwing ika'y lilisan? Gayunpaman ay

Hindi ko 'to gusto
Hinding-hindi ko 'to gusto, oh
Salamat sa presensiya mo
Hinding-hindi ko 'to gusto

Lubayan mo nga ako