Muttetta I Sdegnu

Mi veni pemmu pensu e mi domandu
Eu chi vinni a fari nta stu mundu
Passu la vita sulu tribulandu
E mi rritrovu un vuotu sempri in tundu

E mi succedi di tutti i culuri
Ca m'innamuru i cui no pozzu aviri
Cu è maritata o ndavi nattu amuri
Cu è luntana e na pozzu vidiri

O suli grandi chi mandi caluri
Chi mandi tanta luci a non finiri
Si ncuntri chilla stilla dill'amuri
Domandasi pecchì mi fa suffriri

All'orienti viyiu nu splenduri
Mi guarda lacrimandu e mi surridi
Mi dici non aviri su timuri
Ca ccesti cu ti ama e na perdiri

Luna chi spunti china e cu russuri
È na muttetta non ti emozionari
E la cantai pe sdegnu e p'amuri
Cu to riflessu ammenzu di lu mari