Iwanan Mo Na Siya

'Di mo ba alam
Na kriminal 'yang boyfriend mo?
Nakita ko s'ya dati
Nagtitinda ng drugs sa kalye
Mag-ingat ka, sinta
'Wag kang basta magtitiwala

Hindi mo ba napapansin?
Parang ang hina n'ya kumain
Baka naman nagsha-shabu
Mabuti pa, ipakulong na natin
Sindikato Tatay n'ya
Kaya siguro s'ya mayaman

'Wag ka sanang maniwala sa mga katulad n'ya
'Di ka dapat magtiwala at iwanan mo na s'ya
Sapagkat mahal kita at walang ibang magagawa
Kundi sirain ang pangalan n'ya, sinta

Nakuwento ko na ba, giliw
Na ang boyfriend mo ay may pagkabaliw?
Mahilig s'yang kumain
Ng basura at buhangin
Ano ngayon kung pogi s'ya?
Mukha naman s'yang kontrabida

'Wag mo sanang sasabihin
Na nanggaling sa 'kin ang lahat ng 'to
Ang sabihin mo na lamang
Ay may nag-text sa 'yo na 'di mo alam kung sino

'Wag ka sanang maniwala sa mga katulad n'ya
'Di ka dapat magtiwala at iwanan mo na s'ya
Sapagkat mahal kita at walang ibang magagawa
Kundi sirain ang pangalan n'ya, sinta

Sinta
Sinta