Bälpmoos

I schtah jede Tag da usse
Gseh die Flüger cho u gah
Häbe d Nase i di chauti Morgeluft
Wo nach Trybschtoff schmöckt
U dr Näbu chläbt über dr Schtartbahn
U uf dr Schtartbahn hocke Möwe
U ds Fäud isch wyss vom Ryf

I gseh uus wie ne Pilot
I myre bruune Bomberjagge
U em wysse Sydeschal
I weiss es haargenau
I ha die Type lang gnue schtudiert
Scho als chlyne Giu
Bin I Samschti für Samschti
Ging da usse gsi
U ha Modällflugzüg
I Himmel ufegschickt

I ha scho denn gwüsst
Irgendeinisch gahn I o

Bälpmoos, Bälpmoos (Bälpmoos, Bälpmoos)
Schpick mi furt vo hie
Schpick mi furt vo hie
Bälpmoos, Bälpmoos (Bälpmoos, Bälpmoos)
Mir isch's glych wenn u wie

Es fahrt e schwarzi Limousine vor
U ne gschalete Chauffeur
Schleppt Goffere u schwäri Täsche umenang
U ne riichi runzlegi Sou im Pelz schtygt gschtabig uus
Hei dene ghört d'Wäut
Dene ghört d'Wäut, dene ghört d'Wäut, dene ghört d'Wäut

Bälpmoos, Bälpmoos (Bälpmoos, Bälpmoos)
Schpick mi furt vo hieee
Schpick mi furt vo hieee
Bälpmoos, Bälpmoos (Bälpmoos, Bälpmoos)
Mir isch's glych wenn u wie

Wenn I die Chance hätt u ds gäut
I gieng a ds Kap der guten Hoffnung
I ha ir Schwyzer Illuschtrierte einisch Bilder gseh
U när chäm I nümme zrügg
Hätt e Insle un ne Frou
U alles won I miech
Würd I mache wüll I's wott
U nid wüll's angeri wei
Ersch rächt nid wüll I müesst

Bälpmoos, Bälpmoos (Bälpmoos, Bälpmoos)
Schpick mi furt vo hie
Schpick mi furt vo hie
Bälpmoos, Bälpmoos (Bälpmoos, Bälpmoos)
Schpick mi furt, schpick mi furt, schpick mi furt vo hie
Bälpmoos, Bälpmoos (Bälpmoos, Bälpmoos)
Mir isch schysseglych wenn u wie
Nume gly, nume gly, nume gly, nume möglechst gly

(Uh-uh-uh)
(Uh-uh-uh)
(Uh-uh-uh)
(Uh-uh-uh)