Я Лiцвiн

Я ліцвін тутэйшы родам
Сіл хапала маладзецкіх
Зведаць край, напіцца водаў
Задняпроўскіх, Камянецкіх

І пад неба я падняўся
Ад дзявочага ўздыхання
Як вясёлка накупаўся
У крыніцы слёз кахання

Я заўжды нясу з сабою песню між тужлівай сцюжы
Каб яна была расою на пялёстках снежнай ружы
Як у снежнай ружы лоні п'ецца, ранніх слёз уцеха
Так у душах хай патоне песня песняроўскай рэха

Варажбіткi ў лесе цёмным
Мне ля Прыпяці спявалі
Што над Вілляй і над Нёмнам
Ад мяне адступяць жалi

І лягла туды дарога
І спазнаў уцех я новых
І знайшоў я скарбаў столькі
Што не выказать у словах

Я заўжды нясу з сабою песню між тужлівай сцюжы
Каб яна была расою на пялёстках снежнай ружы
Як у снежнай ружы лоні п'ецца, ранніх слез уцеха
Так у душах хай патоне песня песняроўскай рэха