Пачынаецца Ўсё З Любвi

Ты пакліч мяне, пазаві,
Там заблудзімся ў хмельных травах.
Пачынаецца ўсё з любві,
Пачынаецца ўсё з любві.
Нават самая простая ява.

І тады душой не крыві
На дарозе жыцця шырокай.
Пачынаецца ўсё з любві,
Пачынаецца ўсё з любві,
Першы поспех і першыя крокі.

Прыручаюцца салаўі,
І змяняюцца краявіды.
Пачынаецца ўсё з любві,
Пачынаецца ўсё з любві,
Нават ненавісць і агіда...

Ты пакліч мяне, пазаві...
Сто дарог за маімі плячыма.
Пачынаецца ўсё з любві,
Пачынаецца ўсё з любві,
А інакш і жыць немагчыма.