Вясна

У вянку з пралесак
У святлянай шаце
Ходзе борам-лесам
Полем, сенажацяй
 
Сонцу-яснагрэю
Расплятае косы
Раніцамі сее
Як брыльянты, росы

Сцелецца травіцай
Ветрыкам шапоча
Коціцца крыніцай
Рыбкаю плюскоча
 
Весела міргае
Сошцы і баронцы
Зернятка хавае
Ў свежай баразёнцы

Вясна, вясна, вясна

Маладой дзяўчыне
Благасна ўсміхнецца
Штось на вуха кіне
Закалоце сэрцам

І ўсюдых гэтак 
Полем, сенажацяй
У кароне з кветак
У святлянай шаце