A Ballerina

Quantu si beja 'stasira sia beniditta a natura
Puru la luna si gira 'mbidijusa voli u ti scura
Cu' 'ssa gonnella eleganti fai u nesci paccia la genti
Cu' li to' modi 'ndi 'ncanti comu 'na maga potenti

Comu 'nu babbu jeu mi 'nnamurai
No' vidu atru avanzi a l'occhji mei
Pe' 'ttia jeu nesciu pacciu e tu lu sai
Puru se sacciu ca' tu no' mi voi
Puru se sacciu ca' tu no' mi voi

Occhjiazzi di calamità di tutti si disijata
Cu' chissa stola di sita balla pe' 'mmia 'sta sirata
Quandu ti vidu ballari cu' 'ssi caddizzi d'amuri
Sentu 'stu pettu hjufhjari comu 'nu trenu a vapuri

Comu 'nu babbu jeu mi 'nnamurai
No' vidu atru avanzi a l'occhji mei
Pe' 'ttia jeu nesciu pacciu e tu lu sai
Puru se sacciu ca' tu no' mi voi
Puru se sacciu ca' tu no' mi voi

Vorria 'mu sacciu 'na cosa dammi risposta precisa
Dimmi sè spina o sè rosa ca' 'stu penzeru mi pisa
Quandu no' 'ncesti speranza l'amuri jè sufferenza
Senti 'nu chjovu 'nda panza e u cori ciangi e no' penza

Comu 'nu babbu jeu mi 'nnamurai
No' vidu atru avanzi a l'occhji mei
Pe' 'ttia jeu nesciu pacciu e tu lu sai
Puru se sacciu ca' tu no' mi voi
Comu 'nu babbu jeu mi 'nnamurai
No' vidu atru avanzi a l'occhji mei
Pe' 'ttia jeu nesciu pacciu e tu lu sai
Puru se sacciu ca' tu no' mi voi
Puru se sacciu ca tu no' mi voi
Puru se sacciu ca tu no' mi voi