Maiya Ke Gahana Gadhawani

मईया खातिर गहना गढ़वले रही
हीरा मोती ओह मे मढ़वले रही

मईया खातिर गहना गढ़वले रही
हीरा मोती ओह मे मढ़वले रही
पेन्हाईब अपने हाथे
सातो बहिना एके साथे
जुटल बाड़ी
कईसे ते नथिया गढ़ले रे सोनरा
टूटल त मईया हमार रुसल बाड़ी
(कईसे ते नथिया गढ़ले रे सोनरा)
(टूटल त मईया हमार रुसल बाड़ी)

हँसेली ना बोलेली नाही मुँह खोलेली
तवले पूछ देले भैरो भईया

बहिनी बताव तू कवन चीज चाहि
लाके देहब एहि थईया

हँसेली ना बोलेली नाही मुँह खोलेली
तवले पूछ देले भैरो भईया
बहिनी बताव तू कवन चीज चाहि
लाके देहब एहि ठईया
केहू नईखे पूछत डरे
आईल बाड़ी सेवका घरे
गुसल बाड़ी
कईसे ते नथिया गढ़ले रे सोनरा
टूटल तs मईया हमार रुसल बाड़ी
(कईसे ते नथिया गढ़ले रे सोनरा)
(टूटल त मईया हमार रुसल बाड़ी)

माफ करी ऐ मईया भूल चूक हमरो
हम हई रउरे सेवकवा

अरुन बिहारी पवन जोड़े दुनो हथवा
छोटुवो झुकावे आपन मथवा

माफ करी ऐ मईया भूल चूक हमरो
हम हई रउरे सेवकवा
ऋतिक पुतुल दीपक जोड़े दुनो हथवा
अमितवो झुकावे आपन मथवा
फूले ना समाये लगली
मईया मुस्काये लगली
कुसल बाड़ी
कईसे ते नथिया गढ़ले रे सोनरा
टूटल तs मईया हमार रुसल बाड़ी
(कईसे ते नथिया गढ़ले रे सोनरा)
(टूटल त मईया हमार रुसल बाड़ी)