新年冬新希望 (Sin-Nî-Tang Sin-Hi-Bāng)

一冬過了又閣是新的一冬
舊年冬新年冬攏仝款有真濟痟人
我定定 問我家己敢有變作一個閣較好的人

一冬過了又閣是新的一冬
舊年冬新年冬攏仝款有真濟痟人
我定定 問我家己敢有變作一個閣較好的人

話閣講倒轉來啥物是好人
啥物-是歹人 愈食愈大漢年歲愈濟
愈來愈確定代誌毋是表面上看起來遐呢啊簡單

準講是惡人嘛一定有優點
仝款的道理好人嘛絕對有缺點
人佮人的交陪 攏加減有風險
佮人交心進前 要會記買保險

啊 新年冬敢講一定要有新希望
啊 無想欲成作誰人的希望

規工想空想縫 想欲佮別人無仝
煩惱歌是欲按怎寫聽起來較芳
寫失志佮失戀的歌可能較有向望
講到尾仔逐家心中攏有一个人

彼个人身軀邊 拄仔好嘛有別人
煙火放落共 in 兩个牽牢的手 照甲光乓乓（phiang-phiang
紲落來in 開始兩人世界相唚 唚甲 足厲害
你希望你家己無存在

啊 你希望你家己無存在
啊 無人注意著你流目屎

一冬過了又閣是新的一冬
舊年冬新年冬攏仝款有真濟痟人
我定定問我家己敢有變做一个閣較好的人