Voglfrei

va filzmoos über goisern bis weit ins ausseer lånd
wår er jedm schualakind als wildbratler bekånnt
håt nia auf an jaga gschossn des hätt er nia tån
bevor n de grean daglångt håbnt wår er längst auf und davon

voglfrei
såg wia frei kann oana sei?
voglfrei!

6 monat in dschumpas wollt eahm eidrahn da herr råt
weil er wo an holzknecht mit an krickei kitzlt håt
åba in an finstan kotter hätt er si nia ghuckt
deswegn is er aufüba und håt si in seine berg vadruckt

voglfrei
såg wia frei kann oana sei?
voglfrei!

er håt an jedn schleichweg kennt und weitum jeds vasteck
wånn s sei hat miasst is er sogår durchs häusl und n dreck
nia håt eahm wer vapfiffen und wås za de schante gsågt
weil er håt ållweil fi de kloanan leit wås in seim rucksack ghabt

voglfrei
såg wia frei kann oana sei?
voglfrei!

se håbnt eahm nia dawischt am end håt er si selba gstellt
weil er wollt amål sein friedn måchn mit da welt
sein friedn håt er gfundn åba so vazähltnt de leit
wanns eahm wieder gjuckt håt aufi miasst va zeit zu zeit

voglfrei
såg wia frei kann oana sei?
voglfrei!

voglfrei
såg wia frei kann oana sei?
voglfrei!

voglfrei!