Yemkenni Jannet

يمكنِّي جنيت، ما عدت عرفت حالي
ما عدت لقيت البيت
أنا اللي عمرته، وهو خلاني صورة ع الحيط
ليش ظل في حيط على ها الحيط
لك وين البيت بدي روح ع البيت
بس أنا بالبيت يمكني جنيت

كيف الحجر بيصير تراب، مثل الماي بالغربال
وكيف الماي بيصير دم، والدم ما لازم يصير حلال
والحلال بيظل حلال، مع إنه الدم مغرق المال
والأموال كل يوم بتبيع، حكي وسلاح ودموع أطفال
والأطفال مالن بيت، والبيت بعيد وماله حيط
ليش ظل في حيط على ها الحيط
لك وين البيت بدي روح ع البيت، يمكني جنيت

يمكن جنيت لأن صرت حاكي حالي
وما لاقيت ولا جواب لسؤالي
ويمكن صار بدي فحص عيون
أعوج عم شوفه لها الكون
عم صدق قصص ما بتتصدق
مثل الكذب لسه الكذب أصدق

عم إسمع براسي صوات ولاد ونسوان عم تبكي
والدنيا أعياد وقال شو في ناس تحت الغيم بتنام
معقول ها الحكي حدا بيجوع بالشام
مشكلتي إني، ما عم طيق لا بقدر إنسى ولا بقدر غيب
كل لقمة بغصة، كل ما غفيت ولاقيت حالي مرتاحة ببيت
ولك أنهي بيت اللي ماله حيط
ليش ظل في حيط على ها الحيط
يمكني جنيت