اسند ضهرك

هاتوا القلم، واكتبوا قصة حياتي واللي شفته من الزمن
(واملوا السطور (واملوا السطور
وهاتوا بدل الحبر الدمع أنا دمعي يملا مية قلم
عدوا القلوب المجروحين أنا قدهم يجي مرتين
وخلوا عنوان الكتاب صرخة وجع قلبي اندفن، قلبي اندفن

اللي فتحت له بيتي وخاني كنت بأمنه وخيِّب ظني
إديته سري اتكلم عني وما سترنيش
واللي إديته أنا كل سنيني سرق الكحل يا ناس من عيني
كان بيدور ليه يعميني وما رحمنيش

ناس من دمي وفصلوا كسوة لونها كان إسود كلها قسوة
كنت بقول دول ظهر وعزوة وما نصفونيش
اللي عملت بأصلي معاهم عضوا إيدي اللي كانت شايلاهم
وما شوفتش غير بس أذاهم ما فرحونيش

أنا اتاذيت من القريب قبل الغريب واللي شوفته ما يتحكيش
والعرافين إحتاروا فيّ وقالوا صعب في فرحة أعيش
أنا اتعمل لي مية عمل ومفيش علاج ولا فيه أمل
واللي أنا اتحملته يابا ده كان يوقّع مية جبل
ده كان يوقّع مية جبل

إسند ظهرك واقعد اتفرج أوعى تصدق اللي اتقال لك
مش هتلاقي حد يصون سرك لأ مفيش
إمشي يا قلبي دي ناس بيغلوا تيجي توفي لهم هما يقلوا
وإنت اديتهم عمرك كله وما دتنيش

كتَّر خير الشدة عشان بتبين مين الشمتان
واللي اخسرني أكيد خسران وما يلزمنيش
يا ابو السيد الناس شاهدة لك إن إنت اللي تريند مجالك
بالأخصام مش شاغل بالك لو كانوا جيش