Do'St

Dunyo azal-azaldan o'zi shu ekan
Quvonch hamda qayg'u yonma-yon yurarkan
Yetti yod begonada kutarsan ammo
Yaqining xiyonati boshing egarkan

Do'stni do'stidan ayirmasin hech
Yurak dars etsa agar kech bo'ladi kech
Do'sti do'stiga ahdida tursin
Yaxshi-yomon kunda ham yonida bo'lsin

Vos kechmagin do'stingdan oson
Eng yomoni shubha-yu gumon
Munosabatlar aro, do'st, do'st
Vos kechmagin do'stingdan oson
Sinovlarda sinalar inson
Besabab ketma ayro, do'st, do'st.

Buni hayot deydilar shu ekan taqdir
Havas aylar kimdir, hasad qilar kimdir
Qadrdoning ko'ngli sof bo'lsa doimo
Sadoqat bir lahzaga tark etmas axir