Hakmel El Meshwar

مشيت السكه من أولها
ومن الأخر أنا هكملها
ومهما الدنيا عاندتني
مطرح ماهترسي أدقلها

لا يوم هتجيبني لمس إكتاف
ولا هجيب عمري ورا ولا أخاف
هتعمل فيا إيه يعني
في واحد ياما لف وشاف

من يوم ما وعيت على الدنيا
مبطلتش شقى وتنطيط
من خبطه بفوق ورا التانيه
ناشفه دماغي زي الحيط

وقعت كتير وقومت كتير
وياما شبعت فيها تخبيط
ورجليا اتهريت تكسير
وعادي بقول دا شرخ بسيط

نشف عضمي وبقيت جامد
وفرمتني الحياة بجبروت
ومهما الدنيا هتعاند
هكمل المشوار وهفوت

ولو فين حقي راح أجيبه
لو حتى في بؤ الحوت
ولو فيها موتي ما هسيبه
ولا هسيب حد فيا يشوط

هتاخد مني إيه تاني
معنديش اللي أنا أبكي عليه
ماحلتيش إلا أحزاني
وضهر يتيم بآوح بيه

وعمر بيجري ع الفاضي
وشعر الشيبه سرحت فيه
ومهما هيحصل أنا راضي
وهكمل المشوار وامشيه

من يوم ماوعيت على الدنيا
مبطلتش شقى وتنطيط
من خبطه بفوق ورا التانيه
ناشفه دماغي زي الحيط

وقعت كتير وقومت كتير
وياما شبعت فيها تخبيط
ورجليا اتهريت تكسير
وعادي بقول دا شرخ بسيط

نشف عضمي وبقيت جامد
وفرمتني الحياة بجبروت
ومهما الدنيا هتعاند
هكمل المشوار وهفوت

ولو فين حقي راح أجيبه
لو حتى في بؤ الحوت
ولو فيها موتي ما هسيبه
ولا هسيب حد فيا يشوط