Parsek

Li ser vî dilê min,
dîsa ewr û roj reşe
Ez mehkûmê şevên tarîme
Êş û kul tev dimeşe,
ser sînga min diqelêşe
Wek parsekê devê derîme
Li ser dilê min erdhej,
baran û lehî geşe
Wek zarokek dil şikestîme,
Qiyamet û heşir û mirîme
Li ser vî milê min,
dîsa barek çar perçe
Ez mazlûmê eşqa yarême
Kerwanê dil nameşe ,
taxên girtî ,bext rêşe
Wek qurbanê kurmê darême
Li ser serê me tofan,
li  dil destên qirêj
Weke jehra devê marêne
Li ber bayê pelê darême