اللي راح ساب براح (حب مين اكبر كمين)

فكرناهم رخاص، لقيناهم ببلاش
عملنا عليهم عرض خاص
والدفع فوري أو حتى كاش
دولسي بروداكشن

اللي لقى اللي يسليه، نسي اللي كان بيواسيه
طب حظي كده أعمل إيه، القلب تايه من اللي فيه
اللي جمبي راحوا فين؟ من فترة قالوا مش راجعين
فاكرنا يا عيني موجوعين، ده حنا في بعدكم مرتاحين

اللي راح ساب براح ريّح دماغه مننا وارتاح
اللي يمشي أنا بساعده مش فاضية عادي
يالاه نشوف اللي بعده حب مين ده أكبر كمين
خسارة فيهم أي حاجة الكذابين
بدون عتاب على اللي ساب الكل عندي بقى في دفتر الغياب

الدمع باوش الرمووش، بحب ناس مابيفهموش
هو انتوا إيه مابتحسووش، تتحبوا بس ماتحبوش
اللي عدا كله خير، واللي جاي يبقى غير
قلبي لا مالوش بديل، والباقي في الصف الأخير

اللي كان معاك زمان لما وقعت كله ع الحقيقة بان
كل لحظة كل ثانية نستها لما أنا بقيت في حتة ثانية
الحياة مش معاناة واحنا اللي بعنا بالرخيص بعناه
من النهار ده أعصابي باردة أنا عشت فترة وحشة بس كله عدى

قدمت نفسي في البوكيه أنا اللي كله ضحى بيه
قالوا لي ليه اتغيرتي ليه قولت لهم من اللي عشت فيه
هاتوا لي حد يكون أصيل حد في مشاعره مش بخيل
مش لاقية غير الغدارين مش عارفة بس أروح لمين

اللي راح ساب براح ريّح دماغه مننا وارتاح
اللي يمشي أنا بساعده مش فاضية عادي
يالاه نشوف اللي بعده حب مين ده أكبر كمين
خسارة فيهم أي حاجة الكذابين
بدون عتاب على اللي ساب الكل عندي بقى في دفتر الغياب