'A Primavera

A primmavera, belle, allecre fujeno ll'ore
So' belle lli campagne, ma volarria sapè
Pecché suspira e chiagne 'stu core mio pe tte

Coglite vuje figliole roselle a primmavera
Viole e gesummine coglite vuje, nennè
I' coglio sulo spine, sciore nun c'è pe mme

La luna co lo raggio mo tutto fa d'argiento
Ogne stagione vene, ogn'anno se ne va
Chi me voleva bene sulo nun po' tornà