Accarezzame

Stasera core e core 'mmiezo 'o ggrano
Addò ce vede sulamente 'a luna
Io cchiù t'astregno e cchiù te fai vicino
Io cchiù te vaso e cchiù te fai vasà
Te vaso e 'o riturnello 'e 'na canzone
Tra ll'albere 'e cerase vola e và

Accarezzame
Sento 'a fronte ca me brucia
Ma pecchè nun me dà pace
'Stu desiderio 'e tè?

Accarezzame
Cu sti mane vellutate
Fai scurdà tutt'e peccate
Strigneme mbraccio a te

Sott'a stu cielo trapuntato 'e stelle
Me fai sentì 'sti dete int' 'e capille
Voglio sunnà vasanno 'st' uocchie belle
Voglio sunnà cu tte

Accarezzame
Sento 'a fronte ca me brucia
Ma pecchè nun me dà pace
'Stu desiderio 'e te

E 'nu rilorgio lentamente sona
Ma 'o tiempo s'è fermato 'nziem'a luna
Io me vurrìa addurmì 'miezz'a 'stu ggrano
Tutta 'na vita, pe l'etternità
E tu m'accarezzasse chianu chiano
E me vasasse, senza mme scetà

Sott'a stu cielo trapuntato 'e stelle
Me fai sentì 'sti dete int' 'e capille
Voglio sunnà vasanno 'st' uocchie belle
Voglio sunnà cu tte

Accarezzame
Sento 'a fronte ca me brucia
Ma pecchè nun me dà pace
'Stu desiderio 'e te