Cannetella

Non mme fà la 'nzemprecella
Cannetella, oje Cannetè!
Cannetella, Cannetè!
Daje audienzia a 'sto schefienzia
Sciù che sta sempe attuorno a te
Cannetella, oje Cannetella!
Cannetella, Cannetè!

A mme tocca fà zimeo
Ma chiafeo, no, non nce sò!
Ma chiafeo, no, non nce sò!
Sò cecato, sò stonato
Ca la sciorte accussì bò
Cannetella, oje Cannetella!
Cannetella, Cannetè!

'No fracasso si nce faccio
Che nne caccio? Dice tu!
Che nne caccio? Dice tu!
Ma mme sboto, me revoto
Quanno po' non pozzo cchiù
Cannetella, oje Cannetella!
Cannetella, Cannetè!

Conchiudimmo, gioja mia
O songh'io, o è chillo llà!
O songh'io, o è chillo llà!
Se non sciglie a chi te piglie
Quanto sango scorrarrà!
Cannetella, oje Cannetella!
Cannetella, Cannetè!