Desiderio E Sole

E comm'è scuro 'o cielo 'e stu paese
'E nnuvole cchiù nere stanno ccá
'A primmavera nosta è n'ata cosa
Chi sta luntano nun sa pò scurdá

'O sole
È bello 'o sole
Ca vène, t'accarezza e se ne va

Ammore, ammore mio
'Sta pecundría
Mm'astregne 'o core

Sentesse maje pe' ll'aria na canzone
Sentesse maje na voce ca vò' bene
Ammore, ammore mio
P'a nustalgía
Io mme ne moro

Spuntasse maje nu sciore a stu paese!
Che desiderio 'e sole
Ca spacca 'e pprete e 'nfòca tutte ccase!

'O juorno ca mme scrive na parola
E ca mme daje 'a speranza 'e te vedé
Dint'a stu cielo niro sponta 'o sole
Ca vène a dá calore 'mpiett'a me!

Stu core
Stu scemo 'e core
S'a passa sempe a chiagnere pe' te!

Spuntasse maje nu sciore a stu paese!
Che desiderio 'e sole
Ca spacca 'e pprete e 'nfòca tutte ccase!