Lazzarella

Ch'e libbre sott'o braccio
E 'a cammicetta a fiore blu
Vuo' fà 'a signurenella
'Nnanz'â scola pure tu

Te piglie 'a sigaretta
Quann'accatte pe' papà
Te miette già 'o rrussetto
Comme vide 'e fà a mammà
Lazzarè

Ma Lazzarella comme si
A me mme piace sempe 'e cchiù
E vengo apposta pe' t'o ddì
Vicino â scola d'o Gesù

Tu invece mme rispunne: "Eggià
I' devo retta proprio a te
Pe' me ll'ammore po' aspettà
Che n'aggi'a fà? Nun fa pe' me!"

Ah, Lazzarella, ventata 'e primmavera
Quanno passe tutt'e mmatine
Già te spiecchie dint'e vvetrine
Sulo nu cumplimento te fa avvampà

Ma Lazzarella comme si
Tu nun mme pienze proprio a me
E ride pe' mm'o ffà capì
Ca perdo 'o tiempo appriess'a te

Mo vène nu studente
'Nnanz'â scola d'o Gesù
Te va sempe cchiù astretta
'A camicetta a fiore blu
Te piglie quatte schiaffe
Tutt'e vvote ca papà
Te trova nu biglietto
Ca te scrive chillu llà
Lazzarè

Ma Lazzarella comme si
A me mme piace sempe 'e cchiù
E vengo apposta pe' t'o ddì
Vicino â scola d'o Gesù
Tu invece mme rispunne: "Eggià
I' devo retta proprio a te
Pe' me ll'ammore po' aspettà
Che n'aggi'a fà? Nun fa pe' me!"

Ah, Lazzarella, 'o tiempo comme vola
Mo te truove tutt'e mmatine
Chino 'e lacreme stu cuscino
Manco na cumpagnella te po' aiutà

E chiane chiane mo' accussì
Te si' cagnata pure tu
E te prepar' addì 'stu "Sì"
Ma dint'a cchiesia d'o Gesù!

Lazzarella, Lazzarella!
Perdo 'o tiempo appriess'a te!