Lusingame

Forse sarra' 'stu cielo chino 'e stelle
Maria, Marí
Forse sarranno 'st'uocchie accussi' bbelle
Maria, Marí
Forse è ll'ammore ca mm'he mise 'int'o core
Ma i nun ce credo ca tu mme vuo' lassa'

Tu nun 'o ssaje
Ca mme staje dint'e vvene
Si te ne vaje
Nun pozzo cchiu' campa'
Lusingame n'ato ppoco
Fallo stuta' 'stu ffuoco
Ca dint'o core m'he appicciato tu

Si te nne vaje
'o ssaje ca mme ne moro
Lusingame n'ato ppoco
Ca senza 'st'uocchie tuoje
Nun campo cchiu'

Che fa si 'e vase tuoje ll'hê date a 'n'ato?
Maria, Marí
Io songo sempe 'o primmo 'nnammurato
Maria, Marí
Tu sî d' 'a mia, dimme chesta buscía
Dimmélla ancora però nun mme lassá

Tu nun 'o ssaje
Ca mme staje dint'e vvene
Si te ne vaje
Nun pozzo cchiu' campa'
Lusingame n'ato ppoco
Fallo stuta' 'stu ffuoco
Ca dint'o core m'he appicciato tu

Si te nne vaje
'o ssaje ca mme ne moro
Lusingame n'ato ppoco
Ca senza 'st'uocchie tuoje
Nun campo cchiu'