កន្លង់មាស

អឺយឱ!សត្វកន្លង់មាសអើយ
អឺយឱ!សត្វកន្លង់មាសអើយ
អឺយបោះពួយ បោះពួយត្រដឹង
សម្លឹងសម្លក់មើលអី
មើលផ្កាចំប៉ាឬនួនស្រី
មើលផ្កាចំប៉ាឬនួនស្រី
កន្លង់អើយមើលអី មើលមិនដាក់ភ្នែក

អឺយខ្ញុំស្រលាញ់ៗប្រុសក្មេង
អឺយខ្ញុំស្រលាញ់ៗប្រុសក្មេង
បណ្ដើរគ្នាលេងតាមផ្លូវបំបែក
ថ្ងៃស្អែកស្អែកឡើងជួបទៀត
ផ្លូវទូលាយឬផ្លូវចង្អៀត
ផ្លូវទូលាយឬផ្លូវចង្អៀត
ស្អែកឡើងជួបទៀតដើរឲ្យអស់ចិត្ត

កន្លង់មាសអើយចង់ក្រេបផ្កាអី
កន្លង់មាសអើយចង់ក្រេបផ្កាអី
ផ្កានួនស្រីឬផ្កាព្រលឹត
អាណិតប្រាប់ឲ្យដឹងផង
គ្រាន់ខ្ញុំថែទាំលំអង
គ្រាន់ខ្ញុំថែទាំលំអង
ជូនកន្លង់បងតាមចិត្តប្រាថ្នា

កន្លង់មាសអើយចង់ក្រេបផ្កាអី
កន្លង់មាសអើយចង់ក្រេបផ្កាអី
ផ្កានួនស្រីឬផ្កាព្រលឹត
អាណិតប្រាប់ឲ្យដឹងផង
គ្រាន់ខ្ញុំថែទាំលំអង
គ្រាន់ខ្ញុំថែទាំលំអង
ជូនកន្លង់បងតាមចិត្តប្រាថ្នា