La Sicilia Havi Un Patruni

La Sicilia havi un patruni
Un patruni sempri uguali
Ca la teni misa ncruci
E cci canta u funerali

La Sicilia havi un guvernu
Un guvernu 'taliànu
Cu la furca a lu capizzu
E la corda nta li manu

La Sicilia havi una patria
Chi la stringi 'nta li vrazza
Ma 'nzammài dumanna pani
Finci dallu e tannu ammazza

La Sicilia è spupulata
Un disertu ogni paisi
Vecchi e cani 'nta li strati
Picciriddi scàvusi misi

Li picciotti sunnu fora
Ca li vrazza l'hannu sani
Ma lu patri 'taliànu
Si vinniu p'un pezzu di pani

La Sicilia è addummisciuta
Dormi un sonnu di li morti
Ed aspetta mentri dormi
Chi canciassi la so' sorti

Ma la sorti nun è ostia
Nun è grazia di li santi
Si conquista cu la forza
Nta li chiazzi e si va avanti
Si conquista cu la forza
Nta li chiazzi e si va avanti

Povira terra mia
Comu si po' campa'?
Povira terra mia
Comu si po' campa'?