İnsafsız

Yağan yağışlar dərdi-qəmi unutmadı
Əsən küləklər göz yaşımı qurutmadı
Mən ‘’unut’’ dedim, ürək səni unutmadı, yar

Günəş doğanda kədər qapıma qonaq gələr
Axşam olanda məsafələr uzaq gələr
Gecələri gizlin içimdən ağlamaq gələr, yar

Həsrətdən paramparça oldu ürək
Gəlmədin, de, haradasan? Söylə görək
Sənsizəm, gücüm də yoxdur dözəcək, yar

Gəl, gəl, gəl, gəl, aşiqin gör halını
Yollarda gözləyir sənin yolunu
İnsafsız, söylə, məgər sevgi bumu, yar?

İnsafsız olarmı insan bu qədər?
Hər şeyi sildin axı necə asan bu qədər?
Söylə, dözərmi intizara can bu qədər, yar?

Bu eşq alınmaz, məndə sevgi, səndə qürur
Bir ürəyə sığmaz həm məhəbbət, həm də qürur
Sevəndə insan qürur bir kənarda durur, yar

Həsrətdən paramparça oldu ürək
Gəlmədin, de, haradasan? Söylə görək
Sənsizəm, gücüm də yoxdur dözəcək, yar

Gəl, gəl, gəl, gəl, aşiqin gör halını
Yollarda gözləyir sənin yolunu
İnsafsız, söylə, məgər sevgi bumu, yar?

Həsrətdən paramparça oldu ürək
Gəlmədin, de, haradasan? Söylə görək
Sənsizəm, gücüm də yoxdur dözəcək, yar

Gəl, gəl, gəl, gəl, aşiqin gör halını
Yollarda gözləyir sənin yolunu
İnsafsız, söylə, məgər sevgi bumu, yar?