Gül Açdı

Gül açdı, bahar oldu,
Yar məndən kənar oldu.
Yar məndən ayrılalı
Ürəyim qubar oldu.

Nəqarət:
Gülüm Nazilə, naz ilə baxma!
Gözəl Nazilə, naz ilə baxma!
(Yar, könlümü yandırıb yaxma!)
Məni yandırıb yaxma!

Gül açdı, xəndan oldu,
Dərmədim, dən-dən oldu.
Mən səndən ayrılmazdım,
Ayrılıq səndən oldu.

Bu dağda maral gəzər,
Tellərin darar, gəzər.
Mən yara neyləmişəm,
Yar məndən kənar gəzər?

Qızılgül həşəm oldu,
Dərmədim, əşəm oldu.
Gecə-gündüz yolunu
Gözləmək peşəm oldu.