كنت بغني بقول ياحديد

كنت بغني بقول يا حديد واخذ اخواتنا بعيد
فجأة لقيت نفسي أبعد منهم داخل سجن شديد
وأطلع للملكية وأقول للميري رافض تمام
وأعمل شغل مروحين عنبر عنابير وسلام
ماندو العالمي

قلت أتعامل باللي بشوفه أصلي شوفت كثير
قلت يا شدة شدي كمان واديني درس كبير
علشان لما أتعامل بدروسك نشوف التغيير
وأوعدك إن أنا هطلع منك بشهادة تقدير
أنا كنت صافي النية ليه بدأتوا بالمرازية
بس جميلكم عليّ هرده والغلطة قصادها مية
ماهو بُعدي كان كبير في سنين عدت عليّ
بس حاسبها من أولها كل القصة ديا

تغلط وأسيبك وبرضو عيبك إنك عامل فيها بيه
تغلط معايا وبقول كفاية عارف تمامك إيه
أنا كنت هادي وقلت عادي مش لازم أدوس عليه
شكلي أهم عندي من إني أتساوى بيه
عايش لحالي شاري بالي ماضي اِسمي غياب
بس لقيت النكش جاي لي لحد عند الباب
فتحت بابي قلت له يالاه عمل انسحاب
بس البيوت ليها حورمة ومش رجولة إنه يتساب

فجأة اتغدر بيّ قومت دخلت في دنيا ثانية
دنيا تشيب شعرك وإنت لسه في الطفولية
طلعت محكمة شفت أمي بتعيط ليّ
ما عملتش حاجة بس برضو اتحكم عليّ
بس سيادتك عيب ده جاي بنفسه لحد بيتي
هي البيوت ليها حورمة ولا بقت قديمة تربيتي
قول لي إنت اتربيت على إيه عشان أعرف غلطتي
لا اتسمع كلامي ولا المحامي ونطق بمحاكمتي

أول ما الحكم بيتقال شوف مين هيبقى معاك
كله بيبقى فاكر إن آخرتك هناك
بس يا اخويا يا اللي سألت يحرم عليّ أنساك
إنت في قلبي والله يا ابني روحي فداك
سني صغير شكلي اتغير كبرت كثير حرام
إمتى هقول ع الجرايا عيش وأقول ع الدوره حمام
وأطلع للملكية وأقول للميري رافض تمام
وأعمل شغل مروحين عنبر عنابير وسلام

عنبر كله يسمع
أكثر حديد يسمع

بس حتى وأنا في الضيقة برضو ما كانش عاجب
زقوا عليّ ناس كثير عشان أقع وبحارب
وكل ست شهور بتخطر حكم النفس غالب
غيروني أجبروني إني أبقى مشاغب
قاعد بتشاكل وبشاكل وبقيت أشيل وبشيل
ما بقتش بقى ع الدنيا لو هيطلعوني قتيل
ماهو من الضغط عليّ كثير يستحملوا التحويل
واتحولت خلاص وأوعدكم هتشوفوا مني الويل

ولا كاميرات ولا بصمات فارقة معايا أنا مش هتلم
ما أنا اتظلمت معاكم هعيش أدورها ظلم بظلم
إني أفتكر دمعة أمي عايزني أعمل إيه يا عم
ولا أفتكر عمري يضيع دي مش هتخلص دم
كنت بغني بقول يا حديد واخذ اخواتنا بعيد
فجأه لقيت نفسي أبعد منهم داخل سجن شديد
قاعد أفكر في الحكم اللي أنا واخذه وحزني يزيد
ببص لقيتني وسط ناس كلها واخذين تأبيد

كل دي أحكام تتوزع كده على أي أساس
ضاع ياما عمر شباب رجالة للدرجة مفيش إحساس
الزنزانة مليانة ألوفات ارحمنا تعبنا خلاص
صرخة أم قصاد محكمة بتهز قلوب الناس