Kahlil Gibran
Samoerai
5:14
Текст песни
Der zien wereldwijd overol algoritmes Dien et menselijk gedrag in koarte briegn en de principes Dien de dagelijkse handelingen onderliggend bepaaln Worden omgezet in statistieken en binaire taal We en us overgegeven an de machine Onderhevig an de nood an comfort en dopamine Uze vrijheid ingeruild voe geneugten en e lawine An prikkels ontwikkeld voe je te strippen van discipline E consumentenmolen woa dat de mens zelve t'product is Woa dat de overgrote meerderheid wit dat nie just zit Mo toch kiest voe in de matrix te fungeren Etwa van echte woarde kuj nie financieel bereiken of beheren Ol dat je dopaminepomp verlangt wordt geserveerd Zoender druk, met 1 druk up de knop ziej gelanceerd In e wereld van verstrooiing en lust, gecorrumpeerd Bluf j'up zoek achter e nieuwe rush voe te kunnen functioneren Amorf, de echte wereld et gin vaste vorm 2 oorzaken van Aristoteles zien verworpen Nu ist juste nog et materiele en technisch proces Dat us rest, zoender doel of universele normn Amorf, de echte wereld et gin vaste vorm 2 oorzaken van Aristoteles zien verworpen Nu ist juste nog et materiele en technisch proces Dat us rest, zoender doel of universele normn We investeren als collectief nie in een "echt leven" Kleine kinders groeien up in e wereld met gepixeleerde bergketens Dopamine-rushes vant moment dan ze upt net leven En minder tied in echte connectie dan in et web steken Woa dan ze under eigen persoonlijkheid wegsteken Ze immiteren iemand anders under nepleven Trachten et gedrag te kopieren da goa respect geven In plekke van authentiek te zien en in verzet treden En de machine is belange nog nie kloar Mo liefde kuj nie verpakken en verhandelen als woar Oeveel soorten an verleiding daj verpakt up e joar Je kut de leegtes binnenin nie vullen met praktisch comfort Oeveel ballonen daj bloast en daj angt int decor Ol drief je iedereen ter wereld nu met angst ut elkoar E woar gevoel van vuldoening ku je mo amper ervoaren Ot heel de wereld is gebouwd up achterbakse efforts Sociale statusen bepalen uze gemoedstoestand Zodat menshn met commodificoatie van gevoelens kampn We drinken uszelvn dood en vernietigen de creatie Van alternatieven oender et mantel van innovoatie We zien der trots up ook, das nog et ergst van ol Der surfen digitale verkopers up elke hersengolf Die via algoritmes under weg vien toet de kern Van't bestoan, zodat de menselijke touch vergoat Amorf, de echte wereld et gin vaste vorm 2 oorzaken van Aristoteles zien verworpen Nu ist juste nog et materiele en technisch proces Dat us rest, zoender doel of universele normn Amorf, de echte wereld et gin vaste vorm 2 oorzaken van Aristoteles zien verworpen Nu ist juste nog et materiele en technisch proces Dat us rest, zoender doel of universele normn
