Verstrijkende Tijd

Kwoarn e tiener upt moment dak ik me roeping wistn
Onbenullig over de gevolgen goenk de toekomst in
Meer dan twintig joar loater, en e poar woaters deurzwomn
Ziek up me route plus gezegend met e goe gezin
Ik zie nie elke dag gebalanceerd of goegezind
Verstoan nie ossan et geanimeerd gevoel vanbinnen
Da me overvolt up momenten dak de beproeving winnen
Ok strijden met mezelvn, mo knimn der me genoegen in
Nu zoek ek minder en merkek dak nix te vien mir en
Want ik en olles dak nodig en voe me tied te spendn
An positieve dagen, ik hoopn nie up zaken
Die me sowieso nie raken in me diepste kern
K'lopen over daken voe te schruweln en tieren dak ik de liefde en
Gevoen in de hoop dat andere menshen t'ook intiem zoen kennen
Mo je ku nie zomo ieder mennen
Ieder mens moet et zelv ontdekken en de bijpassende kriebels en
Nu dak wad ouder zien verstoak dak niet de anderen
Mo just men eigen moen de kracht togen van te veranderen
Zo elp je nog et beste, zo elp je dus de reste
Want je ku nie ossan recht deur zee goan, soms moej meanderen
Nu dak wad ouder zien wit ek minder mo snap ek beter
Een open blik zorgt ervoorn daj elke dag iets meestert
Me respons gebalanceerder
Zodat de druk in d'omgeving minder registreert up me mentale barometer

De beste road krieg je van verstrijkende tijd
Ouder worden is e zegen da nie ieder begriept
Da nie iedereen kriegt, et paseren van de dagen
De weken, de moandn, de joaren is voe mien dus e gift
De beste road krieg je van verstrijkende tijd
Ouder worden is e zegen da nie ieder begriept
Da nie iedereen kriegt, et paseren van de dagen
De weken, de moandn, de joaren is voe mien dus e gift

Kwoarn e twintiger tmoment dak et veel helder zaagn
En wistn ok e deftig leven woudn dak et zelf moe maken
Dak in me de kracht en voe deur de hel te graakn
En dat er nix te win volt oj olverwege t'spel zoe staakn
Nu kuk berusten in de schommeling
En wit ek da't probleem vaak zelve de sleutel et toet de oplossing
Dus tracht ek kalm te bluvn, nie te panikeren
Mo de zaak met e positieve blik te analyseren
Soms is da lastig, moeilijk, mo das begrijpelijk
Mo elke storm ooit in us leven, is mo tijdelijk
Dus tijdens turbulentie, moew anticiperen
Up de ommezwoai die volgt, das volgens mien de essentie
Dajt hoofd ku koel oedn in e verhitte situoatie
Daj nie lat meeslepen deur twijfel en consternoatie
Mo Daj steun zoekt bij je meest dierboare reloaties
En de moed derin kut oudn toet de komende transformoatie
Nu dak wa ouder zien wit ek weer oe dat vroeger wos
Onbezoenen handelen en leven zoender dat moeite kost
De kracht van te relativeren deur te kijken
Deur de ogen van e peuter is quasi nie te begrijpen
Want nu dak ouder zijn, letterlijk ouder zien
E zeuntje en ist lik of dak zovele nog goa moen begrijpen
Dat ie em ol meestert, dus k'progresseren
Deur me dagelijks deur em te loatn motiveren en inspireren

De beste road krieg je van verstrijkende tijd
Ouder worden is e zegen da nie ieder begriept
Da nie iedereen kriegt, et paseren van de dagen
De weken, de moandn, de joaren is voe mien dus e gift
De beste road krieg je van verstrijkende tijd
Ouder worden is e zegen da nie ieder begriept
Da nie iedereen kriegt, et paseren van de dagen
De weken, de moandn, de joaren is voe mien dus e gift