Kahlil Gibran
Samoerai
5:14
Текст песни
Ksluiten men ogen en ik reizen nor e plekke Woa dak vrij zijn van de visies die us ol dreigen te nekken Zodak ff gin benul en van de geheime gesprekken In de lobby, want et goa nie, ik moen men eigen beschermn Want hedendaags zie'k ook verantwoordelijk voe me zeune Dat ie ier moet upgroeien da wos nooit e bewuste keuze Kproberen et veelal nie te diepe t'analyseren Kzien te sensitief voe t'onrecht dat we minimaliseren Kloatn ol nie an me erte komn Da zeg ek soms, mor ok der diep up peizen zoet me kunnen paralyseren Doarom gok ik nie bezwijken, nie wijken ot toet vechten komt Je kriegt me nie azomo kleine zest ot je van verre komt Dus gok me innerlijke kracht kanaliseren In de kille dagen proberen warmte manifesteren Ik wiln nie zagen of assan bekritiseren Mo tbegunt te wegen dat we en masse participeren In da hele fucking circus, dat we nu toleren Woa dat we up boasis van e QR-code discrimineren En moendmaskers an joenge gasten doneren Ze maken je zondebok ot je je nie lat vaccineren Tis lik dak e fictiereeks zien ant bespreken Want der stoart olene leegte were ut e zworte spegel Oj e beeld wilt van de wereld, tis overdreven Dakke zukke tracks moen maken zoender dak ze fantaseren Woa zien we achter ol die joaren nu beland Want weinig in de wereld hechten woarde of belang An et feit, dat iedereen bluft stoaren no de glans Van e spegel, die zwort wordt, en us ol verlamd Woa zien we achter ol die joaren nu beland Want weinig in de wereld hechten woarde of belang An et feit, dat iedereen bluft stoaren no de glans Van e spegel, die zwort wordt, en us ol verlamd Ze verdelen us nie in kampen da wos vroeger Nu verdelen ze binnen gezinnen en et makt us allen koeder Tegenover elkoar, ze verdelen nu tussen moaten In families, jet goeie gebeurs dien elkoar nu hoaten Soms, soms, peizek dak goan wakker wordn In me bedde ontwaken en beseffen dak et adn verzonnen Lat et komn, da moment, dakke ut de droom stappn Me mokke zien die zegt, "keppie goj mee achter wa boodschappn" En dat de latste twee joar nog moetn komn Want dit, ku nie reëel bestoan, zoender dat ontploft Tis ontpopt van e soort van complot toet et besef Dat de realiteit de fictie overtreft Dat me klein manneke moe kieken oe dat menshn Em ontwieken on z'em tegenkomn, dat kut ie nie begriepen Nis nog veels te jong, mo zest ik die vierendertig joar zien Zien de bomen ol lange niet mi deur de bossige beschoaving Tis echt voe bie te bleiten lik e klein kind Dat we zoveel gemeen en, mo daw eerder gemeen zien Dat we zovele delen mo dat we eerder verdeeld zien Dat ier int honderd lopt terwijl dat we ol één zien Mo kweetn dat er etwa borrelt oender d'uppervlakte En olles da no boven goat, goa ooit crashn Dus lat us collectief gin focus leggen up de zwaktes Mor lat us sterktes combineren oender menshn Want oe doenker dat meugt lijken, oj gie no buten kiekt Je vient jen eigen licht van binnen tmoment daj de illusie ziet We zien veel meer dit, we kunnen veel meer dan dat Tope kunnen we zoveel doen dat je noois nie olene kan Dus lat us wegstappen van de onderdrukker E nieuwe samenleving upstarten zoender de Zuckerbergs En Bezosen, mo woa dat liefde et fundament is E plekke lik oe dat ol ol die joarn voorbestemd is Woa zien we achter ol die joaren nu beland Want weinig in de wereld hechten woarde of belang An et feit, dat iedereen bluft stoaren no de glans Van e spegel, die zwort wordt, en us ol verlamd Woa zien we achter ol die joaren nu beland Want weinig in de wereld hechten woarde of belang An et feit, dat iedereen bluft stoaren no de glans Van e spegel, die zwort wordt, en us ol verlamd
