De Leu

Vor dir händ alli Tier Respäkt
Herr Leu, ich säg ders jetzt diräkt
Du bisch dä König - weisch äs au
Du bisch gerisse und au schlau
Äs bringt di nüt us diner Ruhä
Und z'Frässe häsch au me als gnuä
Voll Stolz luegsch du eus Mänsche a
Du mächtigs Tier vo Afrika

Du häsch ä fins und subers Fäll
Und d Farb isch meischtens brun bis gäl
Ä ticki Mähne häsch du au
Im Unterschied zur Leuefrau
Mit dinä lange scharfe Chralle
Tuesch d Antilope überfalle
Wie d Chatze schliichsch du s Opfer a
Du stolzes Tier vo Afrika

Im dürre Gras und nie elei
I Wüeschtesteppe bisch diheu
Und häsch kei Hunger-bisch du satt
Bisch undrem Baum ganz müed und matt
Det goplet dini Leuechind
Und mached Fangis mit dä Fründ
Äs laat di chalt, nur Ruhä wotsch ha
Du Königstier vo Afrika

Was tänkt äscht euse Leu vo eus
Mir seiged dumm und nur äs Gschmeus
Villicht isch's würkli au eso
Mer gseht das Tier bald nur im Zoo
Äs wär ja dumm und jammerschad
Und hoffentlich ischs noni t' spaht
Drum schützed d Tier und dänked dra
An stolze Leu vo Afrika