Eshku Inniu Innu

Nin e mamitunenitamani tanite uetshipanian, numat menuenitaman
At shuku kataku e taiani, apu nita uni-tshissitutaman utshian Uashat-Mani-utenam
Niminikuti tshetshi inniuian, niminikuti tshetshi innuian
Mishta-apatan tshetshi minu-nakatuenitaman kassinu tshekuan ka minikauian

Mishau tshitassinu, minuashu tshitinniunnu
Minushishuat tshitauassiminuat, mishta-tshissenitamuat tshukuminuat
Tshitshue minuenitakushu, eukuan ne Tshishe-Manitu
Katshi mintaku shatshitunnu
Minutakuan tshitaimunnu, tapuemakan tshitipatshimunnu
Tshitshue ishpitenitakuan tshitaitunnu
E animitshenitaki innu, tanua ute Tshishe-Manitua tshetshi minikut shutshishiunnu
Innu manenimakanu, innu nekatshiakanu, eshe mishta-akushu muku eshku nete nanipau
Apu ishpitenimakanit innu, apu nishtuapamakanit innu
Apu natutuakanit innu, muku eshku anite nitau-aimu!
Eshe Tshishe-utshimau kutshipanitapan tshetshi nipaiat innua, muku eshku inniu, eshku inniu
Tshiam nashkumatau Tshishe-Manitu katshi minitaku eshku tshetshi taiaku ute assit

Apu minuataman e uapamakau innuat anite nekatshunit e inniuht
Muku niminueniten e uapamakau eshku eka patshitenimuht
Uemut tshika ui shutshiteieshkatunanu, muku anu uanasse tshika nikanutenanu
Tshishe-manitu tati anite etaiaku, apu shuku tshekuan tshi tutamaku Tshishe-Manitu eka tati