Leggo Meh Man

Yuh see dis song
Dis song is fuh all dem hungry gyal dem
If ah only ... LOOK!
Dis is ah warning!

Had too many drinks Carnival night, me and dem gyul almost had ah fight
Because dey watchin meh man and ah cyah overstand
Gyal move yuh ras and leggo he waist, ah find you rather out ah place
And yuh ugly in face, yuh like real disgrace
But meh man tink dat I am drunk and dem gyul tink dat dey could flaunt
So dey holdin' meh man and ah cyah overstand
But ah building up with rage and ah walk up to de stage
Ah say "darlin, ah have ah problem"

Me maybe drink meh Carib and Stout, but me nah put water in me mouth
Ah have ah problem, dats my boyfriend
Yuh better let him go right now before ah share up some stout
Ah have ah problem, dats my boyfriend
Leggo meh man, leggo meh man, leggo meh man, leggo meh man

So gyul dey say dat what you does tink, dat yuh really lookin like him
But yuh foolin yuhself, yuh better behave yuhself
But there's someting dat yuh should do, just be honest and true
Did he ever kiss you? Did he make love to you?
And de gyul answer to me yes, she put meh body under stress
Then there was ah delay, another gyul in de play
But ah building up with rage and ah walk up to de stage
Ah say "darlin, ah have ah problem"

Me maybe drink meh Carib and Stout, but me nah put water in me mouth
Ah have ah problem, dats my boyfriend
Yuh better let him go right now before ah share up some stout
Ah have ah problem, dats my boyfriend
Leggo meh man, leggo meh man, leggo meh man, leggo meh man

Say little gyul yuh bettah have some control
If yuh want tuh have some peace in yuh world
Yuh better find yuh own little man
Leave meh man alone, ah say yuh cyah understand
Yuh cyah wuk with me
Gyul ah haffi say yuh cyah talk wit me
Gyul ah haffi say yuh cyah mess wit me
Gyul ah haffi say yuh cyah walk wit me