خلينا نعيش

مع بعض رضينا وبعدنا بكل هدوء
هنتعب ليه بقى فى روحنا كفاية جراح
نتيجة الفراق واضحة ولابد نفوق
جيه اليوم اللي نبعد فيه عشان نرتاح

مين كان يصدق كل ده ويقول في يوم هيكون
سيبنا الحياة تغير في روحنا وتمحي حب سنين
ده ياريت البعد كان سببه إن حد يخون
البعد بينا عشان بقينا لبعض مش قابلين

وخلينا نعيش ونتعود على غيابنا لعله ده خير
خلينا نعيش ما يمكن الفراق سكتنا للتغير
في ناس قبلينا بعدوا وعاشوا وإرتاحوا
وناس بعدوا ورجعوا بشوق وحب كبير

حياتنا بقيت حياة صعبة وفيها دموع
بقينا نقضي نص حياتنا كده في سكوت
تعبنا خلاص من التمثل على روحنا
كفاية الهم كبرنا وغير حتى ملامحنا

مين كان يصدق كل ده ويقول في يوم هيكون
سيبنا الحياة تغير في روحنا وتمحي حب سنين
ده ياريت البعد كان سببه إن حد يخون
البعد بينا عشان بقينا لبعض مش قابلين

وخلينا نعيش ونتعود على غيابنا لعله ده خير
خلينا نعيش ما يمكن الفراق سكتنا للتغيير
في ناس قبلينا بعدوا وعاشوا وإرتاحوا
وناس بعدوا ورجعوا بشوق وحب كبير