Aadhiyillao

തന്താനേ താനാ തന തന്താനേ താനാ
തന്താനേ താനാ തന തന്താനേ താനാ
തന്താനേ താനാ തന തന്താനേ താനാ
തന്താനേ താനാ തന തന്താനേ താനാ

ആദിയില്ലല്ലോ അന്തമില്ലല്ലോ
ലക്കാലമ്പോയായുഗത്തിൽ
വെട്ടമില്ലല്ലോ വെളിച്ചമില്ലല്ലോ
ലക്കാലമ്പോയായുഗത്തിൽ
എണ്ണമില്ലല്ലോ എഴുത്തുമില്ലല്ലോ
ലക്കാലമ്പോയായുഗത്തിൽ
ഊണുമില്ലല്ലോ ഉറക്കമില്ലല്ലോ
ലക്കാലമ്പോയായുഗത്തിൽ

പച്ചയില്ലല്ലോ ഓശയില്ലല്ലോ
ലക്കാലമ്പോയായുഗത്തിൽ
ആണിയോളം നൂലു വന്നയ്യോ
നൂലു താണയ്യോ താണരുണ്ട്

പാതിമൊട്ട വിണ്ടു പൊട്ടി
മേലു ലോകം പൂകിയല്ലോ
പാതിമൊട്ട വിണ്ടു പൊട്ടി
കീഴു ലോകം പൂകിയല്ലോ

തെയ്യരയ്യം തെയ്യരയ്യം
തെയ്യര തെയ്യര തെയ്യരയ്യം
തന്താനേ താനാ തിന തന്താനം താനാ
തന്താനേ താനാ തിന തന്താനം താനാ

തുണ്ടു വച്ചല്ലോ നെറകി വച്ചല്ലോ
നെറികലും കൂട്ടി വരം കൊടുത്തേ
പോതകരിയോ നീലകരിയോ
മണ്ടനാരുക്കു വരം കൊടുത്തേ

എഴുന്ന് പറന്നെഴും നൂറു കാതം താണു പറന്നു നൂറു കാതം
ചെന്നിരിക്കാൻ ഭൂമിയില്ല പറന്നു പറ്റാൻ മരങ്ങളില്ല
ഏഴു കടലിടക്കടലിൽ മണ്ടനൊരു വിളി കേൾക്കുന്നുണ്ടേ
ഭൂമിയമ്മേ ഭൂമിയമ്മാളെയെ ഒന്നു രണ്ടു വിളിച്ചു കണ്ടേ
തെയ്യരയ്യം തെയ്യരയ്യം
തെയ്യര തെയ്യര തെയ്യരയ്യം
തന്താനേ താനാ തിന തന്താനം താനാ
തന്താനേ താനാ തിന തന്താനം താനാ

ആരു തന്നെ വിളിച്ചതാണോ എന്തിനായി വിളിച്ചതാണോ
ഞങ്ങളാണേ ഞങ്ങളാണേ ഭൂമിദേവി പൊന്നമ്മച്ചി
ചെന്നിരിക്കാൻ ഭൂമിയില്ല പറന്നു പറ്റാൻ മരങ്ങളില്ല
ഭൂമിയമ്മേ ഭൂമിയമ്മേ നല്ല വാതിലു തൊറക്ക വേണം

തെയ്യരയ്യം തെയ്യരയ്യം
തെയ്യര തെയ്യര തെയ്യരയ്യം
തന്താനേ താനാ തിന തന്താനം താനാ
തന്താനേ താനാ തിന തന്താനം താനാ

തെക്കന്നം കാറ്റടിച്ചേ ഒന്നു തെന്നിയടിച്ചേ
വടക്കന്നം കാറ്റടിച്ചേ ഒന്നു വഴുതിയടിച്ചേ
തെക്കന്നം കാറ്റടിച്ചേ ഒന്നു തെന്നിയടിച്ചേ
വടക്കന്നം കാറ്റടിച്ചേ ഒന്നു വഴുതിയടിച്ചേ

നാലു കാറ്റും വായുവാനും കൂടെ ചുറ്റിയടിച്ചേ
കൊടവട്ടം കൊടവട്ടം കൊതി തോന്നാതന്നു തോന്നി
നാലു കാറ്റും വായുവാനും കൂടെ ചുറ്റിയടിച്ചേ
കൊടവട്ടം കൊടവട്ടം കൊതി തോന്നാതന്നു തോന്നി