Freitog Nochmittog

Freitag Nachmittag
Aum Weg in de Trafik
Um de Gaunze Woch'n
Und a Packl Tschick
De Ampel aun da Kreuzung
Schalt g'rad vor mir auf Rot
Beim Bäck'n um de Eck'n
Do riacht's noch frisch'm Brot

Vur da Tante Emma
Do streit'n si zwa Frau'n
Ob dem Kanzler seine Knopfaug'n
Grau san oder braun
Und da Fetz'ntandler
Tauml't aus'm Schwarzen Bock
Aum Oasch an Riesenzettel
Zimmer frei im ersten Stock

A Regenbog'n macht an Bauchfleck
In an Tropf'n Öl
Malt mit seine Buntstift
A Tankstell für mei Söl

A Regenbog'n macht an Bauchfleck
In an Tropf'n Öl
Malt mit seine Buntstift
A Tankstell
A Tankstell für mei Söl

Drüb'n beim Chines'n
Redt a Postler mit sein'm Hund
Wia jed'n Freitag macht er
Heut sei Überstund
A Überlad'ner Lastwagen
Verliert an Ziaglstan
Irgendwie hob i des G'fühl
I bin net gaunz allan

Wia's grün wird geh i weiter
Und steh vor da Trafik
Wia g'sogt i brauch a Zeitung
Und a Packl Tschick
De Tür is hoibat offen
Aum Bode'n liegt a Maunn
Daneb'n steht da Trafikant
Und a oide Frau

A Regenbog'n macht an Bauchfleck
In an Tropf'n Öl
Malt mit seine Buntstift
A Tankstell für mei Söl

A Regenbog'n macht an Bauchfleck
In an Tropf'n Öl
Malt mit seine Buntstift
A Tankstell
A Tankstell für mei Söl

Nowak schreit da Trafikant
Kaunnst du mi net hör'n
Nowak moch kan Bledsinn
Des is ka Tog zum sterb'n
Ab heut bist in da Rent'n
Vorbei de Plagerei
Du brauchst di nimma schind'n
Und host für immer frei

Wos denkt si der
Wos denkt si der
Wos denkt si der
Waunn er aum Tog
Wo er in d'Rent'n geht
Stirbt