Maunchmoi

Maunchmoi mächt i
Mit meine Händ
Aum Himme auffeglänga
De schwoazn Woikn
Auf an Haufn treibn
Und mitanaunda faunga
An laungen Blitz z'saummgroit
Ois Krone vawendn
Vom Südwind umwaht
An Hörrikän schändn

Hinta de Berg
Wo de Sunn untageht
Woatst du umsunst
Dass da Wind mit dir redt

Hinta de Berg
Wo de Sunn untageht
Woatst du umsunst
Dass da Wind mit dir redt

Maunchmoi mächt i
Mit meine Händ
Aum Himme auffeglänga
Runzlige Spiralnebl
Biagn und de
Müchstrossn faunga
Sternsplitta in Seidnpapier
Mit Kometn vaziern
Mei Vollmondkoib nemma
Um zu dir z'spaziern

Hinta de Berg
Wo de Sunn untageht
Woatst du umsunst
Dass da Wind mit dir redt

Hinta de Berg
Wo de Sunn untageht
Woatst du umsunst
Dass da Wind mit dir redt

Maunchmoi mächt i
Auf olle Wänd
I mog di auffischreibn
Mein Körpa unter
A Woizn legn und aum
Pflosta pickn bleibn
De Pflostastana anzeln
In Himme schiassn
Und daun in dein Gortn
Notlaundn miassn

Hinta de Berg
Wo de Sunn untageht
Woatst du umsunst
Dass da Wind mit dir redt

Hinta de Berg
Wo de Sunn untageht
Woatst du umsunst
Dass da Wind mit dir redt

Redt a da Wind
Und da Mond net mit dir
Packs Telefon
Und red mit mir