Unterm Regenbogen

De gaunze Nocht laung hob i g'wort
Den letztn Tschik für die aufg'sport
Mei G'sicht auns koide Fensta druckt
Von Zeit zu Zeit aum Bodn g'spuckt
Daunn is de Wut in mir hochkumma
I hob dei Büd vom Kostn g'numma
Und hob greart

Des erste Moi hob i di g'segn
Do bist du unterm Reg'nbogn g'legn
Und deine Hoor hobn Wurzln g'schlogn
Unter deinem Blusenkrogn
Daun hob i di in Finger bissn
Vor Lochn hot's di hoibat z'rissn
Und i hob greart

Daun hob i di in Finger bissn
Vor Lochn hots di hoibat z'rissn
Und i hob greart

I hob in deine Augen g'schaut
Mi auf dein Busen greifen traut
Du host di in de Wiesn g'legt
Und mir den Regenbogn versteckt
Host g'lächlt wia da letzte Summa
Und g'sogt du wirst schon wieder kumma
Und daun host greart

Jetzt bist du endlich wieder do
Und deine Augen die sogn jo
Mia zwa mia hobn uns wirklich gern
Rund um uns kaunn ollas sterbn
Und gibst du mir dei klane Haund
Siech i den Regnbogn aun da Waund