ផ្ការីកក្នុងចិត្ត

កាលរឿងរំដួល ជ្រួលតាមគេថា
ដល់រឿង បុប្ផា
បានឃើញ ផ្ទាល់ភ្នែក
ផ្ការីកក្នុងចិត្ត ផ្កាឥតមានមែក
មានក្លិនចម្លែក
តើផ្កាឥតមែក ដើមដុះឯណា?

តាមពិតបុប្ផា ជាឈ្មោះស្រស់ស្រី
ធ្វើឱ្យ កវី
ញាប់ញ័រ ចិន្តា
កវីអភ័ព្វ ជាប់ចិត្តប្រាថ្នា
ហ៊ានយក សង្ខារ
ផ្តាច់ឱ្យមរណា ប្តូរស្នេហ៍នឹងស្រី

បងសូមលន់តួ សួរអូនបុប្ផា
សូមពៅ មេត្តា
សណ្តោស ប្រណី
សូមអូន អាណិតដល់ចិត្តកវី
ទោះរូប បងក្ស័យ
ក៏នៅតែស្ម័គ្រ

ក្នុងនាមចិត្តប្រុស ដែលស្មោះដូចបង
ឱបផ្កា ទាំងទង
លើទ្រូ ងមរណៈ
នៅមុខ ផ្នូរបង
ចារឈ្មោះ វលក្ខណ៍
ថារូបបងស្ម័គ្រ
ចង់នៅរួមរក្ស នឹងអូនបុប្ផា