បណ្តាំនាវា

នាវាចេញចាក ផុតពីជ្រោយច្រាំង
ចិន្តាអឺយ ភាន់ភាំង
ស្ទើរតែបាត់វិញ្ញាណ
នាវាលឿនស្លេវ ឃ្លាតពីភូមិឋាន
ឃ្លាតរូប កល្យាណ បណ្តូលហឫទ័យ

កាត់ផ្ទាំងរលក បោកបែកផ្កាត្រែង
ទ្រូងសែនអឺយ ចំបែង
នៅកណ្តាលជលស័យ
ឃើញមេឃជាប់ទឹក សែននឹកចរណៃ
មិនគួរ និស្ស័យបំបែកបំណង

កោះថាស កុំផ្លាស់ ចិត្តស្រី
ឱកោះឫស្សី កោះប្អូនកោះបង
ជួយនាំពាក្យខ្ញុំ ទៅប្រាប់ប៉ាក់ខ្លង
ឃាត់ស្នេហ៍ខ្ញុំផង កុំឱ្យបែកចិត្ត

ឱទឹកសមុទ្រ ជួយកត់ជួយចាំ
នាំពាក្យអឺយ បណ្តាំ
ផ្តាំប្រាប់ស្នេហ៍ជីវិត
ថាបងវិលវិញ រួមស្នេហ៍រួមស្និទ្ធ
វេញខ្សែជីវិត យើងសាជាថ្មី

កោះថាស កុំផ្លាស់ ចិត្តស្រី
ឱកោះឫស្សី កោះប្អូនកោះបង
ជួយនាំពាក្យខ្ញុំ ទៅប្រាប់ប៉ាក់ខ្លង
ឃាត់ស្នេហ៍ខ្ញុំផង កុំឱ្យបែកចិត្ត

ឱទឹកសមុទ្រ ជួយកត់ជួយចាំ
នាំពាក្យអឺយ បណ្តាំ
ផ្តាំប្រាប់ស្នេហ៍ជីវិត
ថាបងវិលវិញ រួមស្នេហ៍រួមស្និទ្ធ
វេញខ្សែជីវិត យើងសាជាថ្មី